Гэмтэл согогын судлалын тасаг

БИДНИЙ ТУХАЙ:

АШУҮИС-ийн АУС-ийн Гэмтэл согог судлалын тэнхим нь анх Монгол улсад шинжлэх ухааны үндэстэй европ эмнэлэг 1925 онд байгуулагдсан үеэс үндэс сууриа тавьсан. 1942 онд МУИС байгуулагдаж, Хүн эмнэлгийн факультет нээгдсэнээр үндэсний эмч нар бэлтгэгдэж эхэлсэн. 2010 оноос Гэмтэл согог судлал, Сэргээн засах анагаах ухаан 2 салбар нэгдэн “Гэмтэл согог сэргээн засах” тэнхим, 2018 оноос “Гэмтэл согог судлалын тэнхим” болон өргөжсөн түүхтэй.

Гэмтэл Согог Судлалын Тэнхим нь төгсөлтийн өмнөх сургалтаар АУС-ийн Хүний Их эмчийн (4, 6-р дамжаа, МАУОУС-ийн УА-ын 6, Бариа заслын 4, Уламжлалт заслын 3-р дамжаа) оюутнуудад, төгсөлтийн магистр, докторын сургалт мөн төгсөлтийн дараах үндсэн болон төрөлжсөн нарийн мэргэжилийн чиглэлээр нийт 4 багшийн бүрэлдхүүтэй ажиллаж байна.

ЗОРИЛГО:

Олон улсын болон үндэсний эрэлт хэрэгцээнд нийцсэн гэмтэл согог, сэргээн засах чиглэлээр боловсрол, эрдэм шинжилгээ, эрүүл мэнд, эмнэлгийн тусламж үйлчилгээ үзүүлдэг Анагаах Ухааны Сургуулийн шилдэг тэнхимийн нэг байхаас, чадвартай, ёс зүйн харилцааг дээдэлсэн баг хамт олноороо ажиллаж чаддаг мэргэжилтэн бэлтгэх зорилготой.

БАГШ НАРЫН ТАНИЛЦУУЛГА

Гэмтэл Согог Судлалын Тэнхим нь АУС-ийн Хүний Их эмчийн 4, 6-р дамжаа, МАУОУС-ийн УА-ын 6, Бариа заслын 4, Уламжлалт заслын 3-р дамжааны оюутнуудад бакалавр, төгсөлтийн өмнөх, төгсөлтийн болон төгсөлтийн дараах сургалтуудыг эрхэлдэг.

Гэмтэл согог судлалын тэнхим нь докторын зэрэгтэй 1, магистрын зэрэгтэй 3 багштай.

Гэмтэл согог судлалын тэнхмийн хамт олон 2023 он

Зүүн гар талаас Л.Наранбат, А.Эрдэнэбилэг, Э.Саранчимэг, Б.Золбаяр

ХӨТӨЛБӨР

Төгсөлтийн өмнөх сургалт:                                              Төгсөлтийн сургалт:                                                 Төгсөлтийн дараах сургалт:

• АУС Блок-4                                                                 Магистрын сургалт                                      Мэргэжлийн болон төрөлжсөн мэргэжлийн эмч нарт чиглэсэн сургалт
• УАУ эмч                                                                       Докторын сургалт                                         Гэмтэл согогийн эмч
• УАУ зүү төөнө                                                                                                                                         Хүүхдийн гэмтэл согогийн эмч засалч
• УАУ хөдөлгөөн засал                                                                                                                            Гар сарвуу бичил мэс засалч                                                                                                                                                                                                                                                       Үений мэс засалч

ГАДААД ХАРИЛЦАА

• БНСУ-ын Халлим Их сургууль болон сургалтын эмнэлэг, резидент эмч нарын солилцоо
• Япон улсын Спортын гэмтлийн судалгааны төв Зэншүкай эмнэлэг
• Япон улсын Ариаке их сургууль
• Канадын анагаах ухааны их сургуулийн оюутан солилцоо

ТЭНХМИЙН ТОМООХОН ТӨСЛҮҮД

• 2022-2023 он “Арьс орлуулагчийн эмнэлзүйн практик нэвтрүүлэх” сэдэвт ШУТсан төсөл
• 2017 он Өвдөг түнхний хиймэл үе суулгах мэс заслыг нутагшуулах