АШУҮИС-ийн Монгол-Японы эмнэлгийн 350 ортой өргөтгөл барихаар барилгын зураг төслийн ажил хийгдэж байна.
Тасаг:
Эрдмийн цол зэрэг:
Имэйл хаяг:
Улаанбаатар хотын Баянзүрх дүүргийн 12-р хорооны нутаг дэвсгэр дэх АШУҮИС-ийн Монгол-Японы эмнэлгийн 350 ортой өргөтгөл барихаар барилгын зураг төслийн ажил хийгдэж байна.
Эмнэлгийн өргөтгөлийн зураг зурж буй компанийн мэргэжилтнүүд алба, тасаг, нэгжүүдэд барилгын зураг төслийг танилцуулж, саналыг нь авав.
Цаашид баг тус бүртэй жижиг бүлгийн хэлэлцүүлгүүдийг хуваарь гарган хийхээр тохиролцов. Их сургуулийн эмнэлгийн томоохон бүтээн байгуулалтанд хүн бүрийн хүчин зүтгэл чухал, та бүхэнд амжилт хүсье!
Хэт авианы гардан сургалтыг зохион байгууллаа.
Тасаг:
Эрдмийн цол зэрэг:
Имэйл хаяг:
АШУҮИС -ийн АУС, АШУҮИС-ийн МЯЭ -ийн Радиологийн төв, АУС-ийн Эмнэлзүйн Ур Чадварын Төв хамтран хэт авианы гардан сургалтыг 2025 оны 08-р сарын 05-07 өдрүүдэд зохион байгуулсан.
Нийт 37 дүрс оношилгооны эмч нар хамрагдан хөхний, үений, судасны хэт авиан талаар онолын болон гардан сургалтанд сертификатуудаа гардан авсан.
АШУҮИС-ийн Монгол-Японы эмнэлэгт БНСУ-ын Чунг-нам Үндэсний Их Сургуулийн төлөөлөгчид зочиллоо.
Тасаг:
Эрдмийн цол зэрэг:
Имэйл хаяг:
АШУҮИС-ийн Монгол-Японы эмнэлэгт БНСУ-ын Чунг-нам Үндэсний Их Сургуулийн төлөөлөгчид зочиллоо.
АШУҮИС болон Чунг-нам Үндэсний Их Сургуулийн хамтын ажиллагааны хүрээнд тус их сургуулийн төлөөлөгчид 2025 оны 6 дугаар сарын 30-ны өдөр АШУҮИС-ийн Монгол-Японы эмнэлэгт зочлон Яаралтай тусламж, Дүрс оношилгоо, Мэс засал ба Дурангийн тасгуудын үйл ажиллагаатай танилцлаа.
Чунг-нам их сургуулийн зочид төлөөлөгчдийг Монгол-Японы эмнэлгийн захирал, АУ-ны доктор П.Баясгалан, Анагаах Ухааны Сургуулийн багш Э.Сарнай, Мэс заслын тасгийн эрхлэгч Б.Баатарсүрэн нар хүлээн авч уулзаж, их сургуулийн эмнэлэг хоорондын эрүүл мэндийн боловсрол солилцоо, цаашдын судалгаа, эмнэлзүйн хамтын ажиллагааны талаар санал солилцов.
Япон Улсын Цог Жавхлант Эзэн Хаан Нарүхито, Эрхэм дээд Хатан Масако нар АШУҮИС-ийн Монгол-Японы эмнэлэгт зочиллоо.
Тасаг:
Эрдмийн цол зэрэг:
Имэйл хаяг:
Хүндэт зочдыг Эрүүл мэндийн сайд Ж.Чинбүрэн, Гадаад харилцааны сайд Б.Батцэцэг, АШУҮИС-ийн ректор Б.Дамдиндорж болон сургуулийн удирдлагууд, АШУҮИС-ийн Монгол-Японы эмнэлгийн захирал П.Баясгалан нар угтан авав.
АШУҮИС-ийн Монгол-Японы эмнэлгийн захирал П.Баясгалан үйл ажиллагааг танилцуулж, хэвтэн эмчлүүлэх тасгаар зочлон, Япон Улсад боловсрол эзэмшсэн эмч, сувилагч, эмнэлгийн мэргэжилтнүүдийн төлөөлөлтэй уулзалт хийв.
АШУҮИС-ийн Монгол-Японы Эмнэлэг магадлан итгэмжлэлийн үнэлгээнд амжилттай хамрагдлаа
Тасаг:
Эрдмийн цол зэрэг:
Имэйл хаяг:
2025 оны 7-р сарын 3, 4-ний өдрүүдэд Монгол Улсын Эрүүл Мэндийн Яам болон Эрүүл Мэндийн Хөгжлийн Төвөөс томилогдсон магадлан итгэмжлэлийн ажлын хэсэг манай эмнэлэгт ажиллаж, байгууллагын үйл ажиллагаа, удирдлага зохион байгуулалт, эрүүл мэндийн тусламж үйлчилгээний чанар, аюулгүй байдал, стандартын хэрэгжилтийг ЭМС-ын А554 тоот тушаалын дагуух магадлан шинжлэх шалгуур үзүүлэлтээр 2 өдрийн туршид үнэллээ.
Энэхүү үнэлгээгээр манай эмнэлэг үйл ажиллагаа эрхлэх эрхээ баталгаажуулж, магадлан итгэмжлэлд “амжилттай” үнэлүүлсэн тухай шинжээчдийн багийн урьдчилсан дүнг авсан бахархалт мэдээг дуулгахад таатай байна.
Бидний хамтын хүч, тасралтгүй хөдөлмөр, хичээл зүтгэлийг үнэлж, магадлан итгэмжлэлийн багийн зүгээс амжилттай тэнцсэн гэх урьдчилсан дүгнэлтийг гаргасанд гүн талархалтай байна. Хамт олондоо, бүх алба, тасгийнхандаа болон хамтран зүтгэсэн хүн бүхэнд халуун баяр хүргэе!
Бид эрүүл мэндийн тусламж үйлчилгээг олон улсын жишигт нийцүүлэн, чанартай, хүртээмжтэй, аюулгүй хүргэх эрхэм зорилгодоо тууштай үнэнч хэвээр байх болно.
