БОЛОВСРОЛЫН БАЙГУУЛЛАГЫН БАГШ АЖИЛЧИД ЭРҮҮЛ МЭНДИЙН ГУРАВДУГААР ШАТЛАЛЫН ТУСЛАМЖ ҮЙЛЧИЛГЭЭГ МОНГОЛ ЯПОНЫ ЭМНЭЛГЭЭР ДАМЖУУЛАН АВНА …
Монгол Японы эмнэлэгт “Багшийн эрүүл мэндийг дэмжих төв” байгуулагдана. Уг төвөөр дамжуулан шаардлагатай багш ажилчдад гуравдугаар шатлалын тусламж үйлчилгээг үзүүлнэ. Багш сум, хороо болон аймаг дүүргийн эмнэлгээр оношлогдож гуравдугаар шатлалын буюу нарийн мэргэжлийн эмнэлэгт үзүүлэх шаардлагатай болбол дэмжих төвд тухайн боловсролын байгууллагынхаа эмчээр дамжуулан хандана. Мөн багшийн эрүүл мэндийг дэмжих төвийн бас нэг чиг үүрэг нь боловсролын байгууллагын эмч нарын сүлжээ үүсгэж ажиллахад оршино. Тус сүлжээгээр дамжуулан боловсролын салбарт ажиллаж байгаа эмч нарыг чадавхжуулна. Мөн шаардлагатай тохиолдолд зайнаас онош тодруулах, зөвлөгөө өгөх зэрэг үйл ажиллагааг ч хэрэгжүүлэхээр бэлтгэл хангаж байна. Багшийн эрүүл мэндийг дэмжих төвөөр дамжуулан салбарын хэмжээнд эрт илрүүлэг, оношилгоог зохион байгуулах, мэргэжлээс шалтгаалах өвчлөлүүдийг оношлох, эмчлэх чиглэлээр ч ажиллахаар төлөвлөж байна. Багшийн эрүүл мэндийг Дэмжих төвийн үйл ажиллагаа ирэх хичээлийн шинэ жилийн өмнө буюу 8 дугаар сарын 1-нээс эхэлнэ.© 2024 он. mjhospital.mn. Бүх эрх хуулиар хамгаалагдсан.
